Ümumiyyətlə, sürücülər tərəfindən çirkli suların, palçığın piyadalara, nəqliyyat vasitələrinə və o cümlədən binalara sıçradılmasına görə Azərbaycan Respublikasının inzibati xətalar məcəlləsinin 342.1.5 maddəsinə əsasən 40 manat məbləğındə cərimə nəzərdə tutulub.

Axar.az xəbər verir ki, bu fikirləri hüquqşünas Ramil Süleymanov Konkret.az-a açıqlamasında bildirib.

“Əgər su sıçradılması nəticəsində vətəndaşın geyimi yararsız vəziyyətə düşərsə, həmin şəxs bununla bağlı hüquq-mühafizə orqanına müraciət etməlidir. Birinci növbədə ona bu zərəri vurmuş avtomobil barədə məlumat verilməlidir. Həmin avtomobilin sürücüsü intizam məsuliyyətinə cəlb olunur. Barəsində portokol tərtib edilir. Bundan sonra isə vətəndaş həmin protokola əsaslanmaqla sürücüyə qarşı mülki iddia qaydasında məhkəməyə müraciət edir. Uğradığı zərəri mülki qaydada tələb etmək hüququna malik olur”, - o qeyd edib.

Hüquqşünas vurğulayıb ki, bununla bağlı sürücünün qeydiyyatda olduğu yerin məhkəməsinə protokolun surəti göndərilir:

“Hadisəni və zərəri əks etdirən fotoşəkillər, eləcə də iddia ərizəsi məhkəməyə təqdim olunur. Bu halda dəymiş zərər tələb edilə bilər”.