Şimali Kipr Türk Cümhuriyyətinin Baş nazirinin baş məsləhətçisi və Bayraq Radio Televiziya Qurumunun (BRT) rəhbəri Özdəmir Tokel Azərbaycana səfəri çərçivəsində "Teleqraf" Media Qrupunun rəhbəri, əməkdar jurnalist Aynur Camalqızı ilə görüşüb.

Axar.az xəbər verir ki, görüş zamanı media sahəsində əməkdaşlıq imkanları, informasiya mübadiləsinin genişləndirilməsi və iki ölkə arasında mədəni-ictimai əlaqələr müzakirə olunub.

Azərbaycanla Şimali Kipr Türk Cümhuriyyəti arasında mövcud münasibətlərin xalqlar arasında qardaşlıq prinsipləri üzərində qurulduğu və ictimai-mədəni və media sahəsində əlaqələrin və qarşılıqlı səfərlərin genişləndirilməsi vacibliyi vurğulanıb.

Ö.Tokel Azərbaycanı çox sevdiyini bildirib və Azərbaycanın Prezident İlham Əliyevin simasında ölkəsinə verdiyi misilsiz dəstəyə görə təşəkkürünü ifadə edib.