Uraldakı diasporun lideri Şahin Şıxlinskinin saxlanılması OMON-çuların hücumu zamanı qətlə yetirilən Ziyəddin və Hüseyn Səfərov qardaşlarının qohumu Akif Səfərovun cinayət işi ilə əlaqədardır.

Axar.az xəbər verir ki, bu barədə Rusiya mediasında məlumat yayılıb.

Belə ki, Akif Səfərov Şahin Şıxlinskinin müavini olub. Məlum hadisədən sonra Şahin Şıxlinski məsələ ilə əlaqədar aidiyyəti qurumlarla danışıqlara başlayıb və həbs olunan şəxslərin azadlığa buraxılması ilə bağlı ciddi səylər göstərib.

Qeyd edək ki, Uraldakı diasporun lideri Şahin Şıxlinski və oğlu Mutvalı Şıxlinski, o cümlədən sahibkar Yusif Xəlilov, “Lukoyl” şirkətlər qrupunun Uraldakı istehsalat birliyinin rəhbəri Əhməd Hacıyev Rusiya hüquq-mühafizə orqanlarının əməkdaşları tərəfindən vəhşicəsinə saxlanılıb.