Sentyabrın 2-də Əmlak Məsəslələri Dövlət Xidməti tərəfindən Strateji Obyektlərin Mühafizəsi Dövlət Agentliyinə məxsus 20 ədəd, Fövqəladə Hallar Nazirliyinə məxsus isə 4 ədəd nəqliyyat vasitəsi hərraca çıxarılacaq.

Axar.az xəbər verir ki, hərracda Strateji Obyektlərin Mühafizəsi Dövlət Agentliyinin 12 ədəd "Mitsubişi L200", 2 ədəd "Hunday Sonata", 1 ədəd "Nissan Sani", 1 ədəd "Mersedes Benz E240", 2 ədəd UAZ 220695, 1 ədəd "İveko Otoyol" markalı avtobusu, 1 ədəd "Otoyol M24.9" markalı avtobusu, Fövqəladə Hallar Nazirliyinin isə 2 ədəd VAZ-21214 və 2 ədəd "Şevrolet Niva" markalı nəqliyyat vasitəsi satışa qoyulacaq.

Nəqliyyat vasitələrinin buraxılış illəri 2000–2014-cü illəri əhatə edir. Hərracda ilkin satış qiymətləri isə 3 000 manatdan başlayaraq 14 000 manatadək dəyişir.

Qeyd edək ki, hərracda iştirak üçün əvvəlcədən 10 faiz beh tələb olunur.