Ana səhifə DÇ-2014 |
13:20
Braziliyada təşkil olunan sayca 20-ci Dünya kuboku davam edir.
Axar.az xəbər verir ki, bu gün futbol azarkeşləri 3 qarşılaşmanın şahidi olacaq.
Bakı vaxtı ilə 21:00-da start götürəcək matçda C qrupunun iki komandası - Kolumbiya və Kot-Divuar komandaları üz-üzə gələcək. Tarixlərində ilk dəfədir ki, qarşılanan bu komandaların heyətində ciddi problem yoxdur. Oyunu ingilis hakim Hovard Veb idarə edəcək.
Günün ikinci və mərkəzi qarşılaşması D qrupunda yer alan Uruqvay və İngiltərə milliləri arasında keçiriləcək. 65 min azarkeşin izləyəcəyi bu qarşılaşma "Arena De Sao Paolo" stadionunda Bakı vaxtı ilə saat 00:00-da baş tutacaq.
Qeyd edək ki, ötən turda həm İngiltərə, həm də Uruqvay meydandan məğlub ayrılıb. 11-ci dəfə qarşı-qarşıya gələcək bu komandalar arasında Uruqvay üstündür. 4 dəfə Uruqvay qələbə çalsa da, bunu İngiltərə 3 dəfə bacarıb. 3 oyun isə heç-heçə bitib. Keçirilən oyunlarda Uruqvay komandası İngiltərənin qapısından 13 top keçirsə də, İngiltərə buna 10 qolla cavab verib.
48 ildən sonra ilk dəfə rəsmi oyunda qarşı-qarşıya gələcək komandaların heyətində ciddi problem yoxdur.
Günün sonuncu oyunu Yaponiya və Yunanıstan arasında keçiriləcək. C qrupunda yer alan bu komandalar yalnız bir dəfə, 2005-ci ildə qarşılaşıb. Dueldən Yaponiya qalib ayrılıb.
Oyun Bakı vaxtı ilə 03:00-da baş tutacaq.
20:39
Qeyd etdiyimiz kimi bu gün futbol üzrə dünya çempionatının növbəti matçları baş tutacaq. Bu gün və sabah baş tutacaq Kolumbiya - Kot-Divuar, Uruqvay - İngiltərə və Yaponiya - Yunanıstan qarşılaşmaları Axar.az-da canlı olaraq yayımlanacaq.
Yuxarıda qeyd edilən matçlara "Topaz" proqramının verdiyi əmsalları fotolarla təqdim edirik:
Tarix
2014.06.19 / 20:39
|
Müəllif
Şəmsəddin Ənsar
|