Oktyabrın 22-si, saat 14:00-da "Akademkitab"da Türkiyənin tanınmış yazıçısı Əhməd Həmdi Tanpınara həsr olunmuş tədbir keçiriləcək.

Yunus Əmrə İnstitutundan Axar.az-a verilən məlumata görə, "Tanpınar günü" adı altında təşkil olunacaq tədbirdə tanınmış ziyalılar, oxucular və media nümayəndələri iştirak edəcək.

Tədbirdə Tanpınar haqda geniş ədəbi söhbət və fikir mübadiləsi aparılacaq, həmçinin "Tanpınarı kəşf edirəm" adlı esse müsabiqəsi haqqında geniş məlumat veriləcək.

Sonda iştirakçılara Tanpınarın Azərbaycan dilinə tərcümə olunmuş kitabları paylanacaq.

Qeyd edək ki, "Akademkitab" kitab evi "Elmlər Akademiyası" metro stansiyasının yeni çıxışı tərəfdə yerləşir.