Pop musiqisinin böyük simalarından sayılan Leonard Kohen 82 yaşında dünyasını dəyişib.

Axar.az-ın xəbərinə görə, Kanadanın ən sevilən musiqiçisi, şair, yazıçı Leonard Kohenin ölümünü onun rəsmi Feysbuk səhifəsi də təsdiqləyib.

1968-ci ildə ingilis dilində ən yaxşı şeirin müəllifi kimi Kanada dövlətinin verdiyi mükafatdan imtina edən, 70-ci illərdə pop, kabare və klassik dünya musiqisi üzərində çalışan Kohen ilk şeir kitabını 1956-cı, ilk romanını 1963-cü, ilk musiqi albomunu isə 1967-ci ildə çıxarıb.

80-ci illərdən etibarən bas-bariton tembrində ifa etdiyi mahnılar isə ona daha böyük uğurlar qazandırıb.

Kohen ən yaxşı solist və ən yaxşı mahnı sözünün müəllifi naminasiyaları üzrə "Cuno", Fransada albomu ən çox satılımasına görə (100 min ədəd) SNEP, Qremmi və başqa bir sıra mükafatların sahibidir.