Əvvəllər kitabı, hekayəni oxuyardılar, indi isə ancaq şəkil çəkdirmək üçün imza gününə gəlirlər.

Axar.az xəbər verir ki, bu sözləri xalq yazıçısı Anar son zamanlar ədəbiyyata olan biganəlik haqda “Geriyə baxanda” verilişində danışarkən deyib. O, insanların ədəbiyyata marağının zəif olduğunu bildirib:

“Bir dəfə imza günüm idi. Çoxu kitaba baxmadan deyirdi ki, şəkil çəkdirək. Yalan olmasın, kitab imzalamaqdan çox şəkil çəkdirdim. Gəlib deyirlər ki, son zamanlarda heç nə yazmırsınız. Amma son vaxtlarda xeyli yazım dərc olunub, romanım çıxıb. Yaradıcılığımı izləmirlər, sonra da deyirlər, yazmırsınız”.