Kult.az “Milli uşaq ədəbiyyatı” layihəsində Lerik rayonu, N. Maşıyev adına Şinəband kənd ümumi orta məktəbinin 9-cu sinif şagirdi Elcan Məmiyevin Xocalı soyqırımına həsr olunmuş şeirini təqdim edir:

Dağıldı çoxunun evi, eşiyi,

Atəşə tutuldu uşaq beşiyi,

Çəkir neçə oğul vətən keşiyi,

Bu nə zəmanədir söylə, a qardaş?!

Demə, çoxlarında ürək olub daş.

Ağladı qız-gəlin, neçə analar

Çoxdandır el-oba qalıbdır ağlar.

Deyin, bu yaranı bilək, kim bağlar?

Bu nə zəmanədir söylə, a qardaş?!

Demə, çoxlarında ürək olub daş.

Baxdıqca olana hey qalıram mat

Bürüyüb dünyanı çirkli siyasət

Çoxunun başına açır ədavət

Bu nə zəmanədir söylə, a qardaş?!

Demə, çoxlarında ürək olub daş.