Özbəkistanın paytaxtı Daşkənddə nəşr olunan "Özbəkistan ədəbiyyatı və sənəti" qəzetində özbək şairi və tərcüməçisi Usman Kuçkarın "Füzulinin "Su qəsidəsi" adlı məqaləsi çap edilib.

Axar.az xəbər verir ki, müəllif məqalədə "Su qəsidəsi"ni Məhəmməd Füzulinin dini-fəlsəfi mövzuda yazdığı ən qiymətli əsərlərdən biri hesab edir. "Kitob dunyasi" qəzetində isə U.Kuçkarın tərcüməsində Azərbaycan şairi Səlim Babullaoğlunun şeirləri yer alıb.

Kuçkar daim Azərbaycan şair və yazıçılarının əsərlərini özbək dilinə tərcümə edir. O, Yusif Səmədoğlunun "Qətl günü", Anarın "Beşmərtəbəli evin altıncı mərtəbəsi" romanlarını, Elçinin "Baladadaşın ilk məhəbbəti", "Baladadaşın toy hamamı", "Toyuğun diri qalması" povestlərini, Sabir Rüstəmxanlının "Göy tanrı", Yunus Oğuzun "Əmir Teymur" romanını və Hidayətin şeirlər toplusunu özbək dilinə tərcümə edib.