Bu gün saat 18:00-da Caz Mərkəzində (Sapphire Hotel, 2-ci mərtəbə, Səməd Vurğun 23) Günel Anarqızı ilə görüş olacaq.

Axar.az xəbər verir ki, "Söz" adlı ədəbi layihə çərçivəsində keçirilən görüşdə Nərgiz Cəlilova, Mehriban Zəki və Emil Əfrasiyab da çıxış edəcək.

Qeyd edək ki, layihənin məqsədi Azərbaycan yazıçı və şairlərinin həm ölkə daxilində, həm də beynəlxalq ədəbi mühitdə tanıdılması, cəmiyyətdə ədəbiyyata, ədəbi ənənələrə, poetik axşamlara marağın və diqqətin artırılması, həmçinin, ədəbi inkişafın stimullaşdırılmasına yönəldilib. Nigar Həsənzadə bu layihəni Mədəniyyət və Turizm Nazirliyinin dəstəyi ilə həyata keçirir.