Gənc yazıçı Əli Rzazadənin növbəti kitabı işıq üzü görüb.

Axar.az xəbər verir ki, "Mütərcim" nəşriyyatında dərc olunan "Səmaya qayıdan yazı" kitabı müəllifin sayca 4-cü kitabıdır.

Roman müasir dövrdə bir ailənin faciəsindən bəhs edir. Kiçik qardaşını xilas etmək üçün Yaxın Şərqə üz tutan azərbaycanlı həkim orada baş vermiş hadisələrin canlı şahidinə çevirilir.

O, ərəb ölkəsində cərəyan edən müasir dövrün xərçənginə çevrilmiş terror aktlarında, sivil insanlara qarşı edilən təcavüzlərdə radikal qruplaşmalarla əlbir olmuş işğalçı erməni ideologiyasının cinayət izləri ilə də üzləşir.

Qeyd edək ki, Əli Rzazadə "Xocalıya ədalət" (əl-Ədalət li Xocalı) adlı kitabı ilə böyük oxucu kütləsi qazanıb.

Kitab Qarabağ həqiqətlərini, xüsusilə də 1992-ci ilin 26 fevral tarixində erməni işğalçılarının Xocalıda həyata keçirdikləri qətlamı dünya ictimaiyyətinə, ərəb dünyasına çatdıran ilk ən mükəmməl əsər sayılır.