15 iyul hadisələrindən sonra əsas qazananlar sırasında Doğan Media Holdinqi də yer alıb.

Axar.az xəbər verir ki, bu iddia ilə Böyük Britaniyanın "Ekonomist" qəzeti çıxış edib. Qəzet son bir neçə gün ərzində artıq bu holdinqin səhmlərinin 40% artdığını bildirib. "Ekonomist"in fikrincə, artıq media holdinqin jurnalistləri Türkiyədə qəhrəman kimi qəbul edilirlər.

Qeyd edək ki, Aydın Doğan Türkiyə Prezidenti Rəcəb Tayyib Ərdoğanın əsas rəqiblərindən biri hesab edilirdi. Hakim partiyaya yaxın qəzetlər dəfələrlə Doğanı tənqid edərək, onun ölkədə xaos yaratmaq istədiyini bəyan ediblər. Məhz Ərdoğan hakimiyyəti dövründə Türkiyədə əsas media qurumlarını əlində saxlayaraq, az qala "imperator" səviyyəsinə qalxan Aydın Doğan nisbətən zəiflədilib. Hazırda Doğan "Hürriyət" qəzeti, "Posta" qəzeti, "Kanal D" televiziyası, "CNN Türk" televiziyası, "Doğan" xəbər agentliyi və digər media qurumlarına rəhbərlik edir. O, Türkiyənin 29-cu ən varlı adamıdır.