Amerika mühəndislik və konsaltinq şirkəti AECOM-dan bir qrup ABŞ Dövlət Departamentinin Qlobal İnfrastruktur və İnvestisiya Tərəfdaşlığı Fondu adından “Tramp yolu” layihəsi üçün ərazi araşdırmasına başlamaq məqsədilə Ermənistana səfər edib.

Axar.az xəbər verir ki, bu barədə ABŞ-ın Ermənistandakı səfirliyi məlumat yayıb.

Məlumata görə, bu işlər Ermənistanın uzunmüddətli iqtisadi artımına, nəqliyyat infrastrukturunun inkişafına və regional inteqrasiyaya töhfə verəcək dəmir yolu, eləcə də digər infrastrukturun tikintisi üçün texniki-iqtisadi əsaslandırma və təkliflərin hazırlanmasını əhatə edəcək.