KTMT ümid edir ki, Ermənistan-Azərbaycan münasibətlərinin nizamlanması Cənubi Qafqazda etibarlı və davamlı sülhə gətirib çıxaracaq.

Axar.az xəbər verir ki, bunu KTMT-nin Baş katibi Talatbek Masadikov KTMT Parlament Assambleyası Şurasının iclasında deyib.

Onun sözlərinə görə, təşkilat davamlı sülh və sabitlik axtarışının davam etdiyi Cənubi Qafqazdakı vəziyyətə diqqət yetirir:

“İki ölkə arasında hərtərəfli dövlətlərarası sülh müqaviləsinin imzalanmasına yönəlmiş ümidverici tendensiyaları qeydə alırıq. İnanırıq ki, Azərbaycan-Ermənistan münasibətlərinin nizamlanması Cənubi Qafqazda davamlı sülh və sabitliyə aparan etibarlı yoldur”.

Qeyd edək ki, bu gün Moskvada KTMT Parlament Assambleyası Şurasının iclası keçirilir. Ermənistan iclasda iştirak etmir.