Qaqauziya Muxtar Vilayətindən olan fəallar türk dünyasının əfsanələrindən olan Alparslan Türkeşlə tarixi əhəmiyyət kəsb edən fotolarını paylaşıblar.

"Axar.az" xəbər verir ki, qaqauz gənclər Başbuğla 1991-ci ilin avqustunda görüşməyə müyəssər olublar. Şəkillərdən birində Başbuğ və qonaqlar türklüyün simğəsi olan qurd işarəsini nümayiş etdirirlər. Vurğulanır ki, bu cür totem nümayişi sonrakı illərdə qaqauz gənclərə problemlər yaratmış, onları pantürkizmdə qınanmışlar.

Xatırladaq kı, 25 noyabr 1917-ci ildə Kiprdə, Nikosiyada anadan olan Türkeş Milli Hərəkat Partiyasının (MHP) qurucusu olub. O, Türkiyədə millətçilik ideyasının siyasi hərəkata çevrilməsində və terrora qarşı mübarizədə gənclərin səfərbər edilməsində, türk dünyasında milli hisslərin genişlənməsində əvəzsiz xidmətlər göstərib.

Şəkillər Başbuğun vəfatının ildönümü (1997, 4 aprel) ərəfəsində paylaşılıb.