Yasamal Rayon Polis İdarəsində aparılan yoxlamanın yekunu olaraq İstintaq Şöbəsinin rəisi Zaur Şirinov və şöbənin müstəntiqləri Seymur Hidayətzadə, Elnur Abdullayev, Cavid Məmmədov işdən azad olunaraq sərəncama göndərilib.

Axar.az İstiqlal.az-a istinadla xəbər verir ki, bir müddət əvvəl Yutub portalında Seymur Hidayətzadənin qalmaqallı audio yazısı çıxmışdı. Məhz bu səs yazısından sonra DİN-də daxili yoxlama aparılıb və Seymur Hidayətzadəyə xidməti uyğunsuzluq barədə cəza verilib və barəsində Yasamal Prokurorluqunda araşdırma başlanılıb.

İddiaya görə, Seymur Hidayətzadənin cəzalanmasına səbəb 2013-cü ilin iyul ayında onlarla şəxsə qarşı külli miqdarda dələduzluq edən Elnur İbrahimovu polis idarəsindən buraxaraq ölkədən qaçmasına əlverişli şərait yaratmasıdır.