Yuxarı

Strasburqda bayrağımız yığışdırıldı - Şok

Ana səhifə Gündəm
12 Punto 14 Punto 16 Punto 18 Punto

"Kimlərinsə təzyiqi ilə Strasburqda yerləşdirilən reklam bannerlərinin və meriyanın qarşısından Azərbaycan bayrağının çıxarılması Avropanın və Avropa Şurasının prinsiplərinə ziddir".

Bu sözləri Axar.az-a millət vəkili, Azərbaycanın Avropa Şurası Parlament Assambleyasındakı (AŞ PA) nümayəndə heyətinin üzvü Asim Mollazadə AŞ-nin Nazirlər Komitəsinə Azərbaycanın sədrliyinin başlaması ilə bağlı Strasburqda yerləşdirilmiş reklam bannerlərinin yığışdırılması məsələsinə aydınlıq gətirərkən dedi.

A.Mollazadə problemin hələlik nədən qaynaqlandığı barədə məlumatsız olduğunu bildirdi:

"Bilmirəm orada nə baş verib və səbəblər nədir. Ancaq belə bir hal təbii ki, qəbuledilməzdir. Çünki Azərbaycan özünü tanıtmaq, Avropa Şurasında sədrliyin başlaması münasibətilə Strasburqda müvafiq tədbirlər planlaşdırır. Ancaq kimlərinsə təzyiqi ilə bütün bunlara qarşı çıxmaq mənə elə gəlir ki, Avropanın və Avropa Şurasının prinsiplərinə ziddir".

Qeyd edək ki, Azərbaycanın Avropa Şurasının Nazirlər Komitəsinə sədrliyinin başlaması ilə bağlı Strasburqda yerləşdirilmiş reklam bannerləri yığışdırılıb. AŞ NK-ya sədrlik edən ölkə Strasburq küçələrində bannerlər yerləşdirmək, reklamlar asmaq hüququ qazanır və özünü tanıtmaq üçün təbliğatdan istifadə edir. Azərbaycanın sədrliyə başlaması ilə də hazırlıqlar adi qaydada aparılıb. Mayın əvvəlində Strasburq meriyasının qarşısında Azərbaycan bayrağı qaldırılıb. Lakin bir müddət sonra bayraqlar və bannerlər yığışdırılıb. Səbəb kimi isə AŞ PA-nın Bakıda keçirilən toplantısına qatılan Fransa nümayəndə heyətinin üzvü, assambleyanın vitse-prezidenti Rene Rukeyə Azərbaycanın viza verməməsindən doğan gərginlik göstərilib. "Virtualaz.org"un məlumatına görə, viza verilməməsini Azərbaycan onun daha əvvəl işğal altındakı Azərbaycan ərazilərində səfərdə olması ilə əsaslandırıb.

Tarix
2014.06.12 / 12:50
Müəllif
Nigar İxtiyarqızı
Şərhlər
Digər xəbərlər

Leyen Bakıya dəvət olundu

Qafqazda sülh Avrasiya üçün təhlükəsizlik məsələsidir

Bakının bu ərazisi plana düşdü: söküləcək

Səudiyyə Həcc ziyarəti ilə bağlı zəvvarlara müraciət etdi

Qazaxla sərhədin delimitasiyası başa çatdı - Xaçatryan

Nazir həbs olunan müdirin yerinə Ağayevi təyin etdi

Ermənistan niyə Azərbaycandan qaz almaq istəyir?

İlham Əliyevin Berlin səfəri başa çatdı - Foto

Ağdamda minalardan təmizləmə ilə bağlı iclas keçirildi

Əliyev və Şolts medianın suallarını cavablandırdı - Foto

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla