"Azadlıq" qəzetinə KİVDF tərəfindən maliyyə yardımı ayrılmamasının səbəbini qəzetin özündə axtarmaq lazımdır. Onlar bizə heç bir layihə təqdim etməyiblər. Ona görə də onlara bu il heç bir yardım ayrılmayıb".

Bu sözləri Axar.az-a açıqlamasında Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun rəhbəri Vüqar Səfərli "Azadlıq" qəzetinin KİVDF-nin qəzetlərə ayırdığı maliyyə yardımından kənarda qalması ilə bağlı sualları cavablandırarkən dedi. Fond rəhbəri əlavə etdi ki, bütün müraciətlərə baxılıb və dəyərləndirilib:

"Bizə layihə ilə müraciət edən qəzetlərin 2-si istisna olmaqla, hamısına maliyyə yardımı ayırmışıq. Həmin 2 qəzetin də kənarda qalması lazım olan sənədləri düzgün təqdim etməməsinə görə baş verib. "Azadlıq" qəzeti isə əvvəlki illərdən fərqli olaraq, bu il heç bir layihə ilə müraciət etməyib".

Xatırladaq ki, KİV DF bir sıra qəzetlərə maliyyə yardımı ayırsa da, "Azadlıq" qəzetinə əvvəlki illərdən fərqli olaraq bu il yardım ayrılmayıb.