"Vaxtı ilə Türkiyə hökuməti "İraq Şam İslam Dövləti" terror qruplaşmasının Suriyada möhkəmlənməsinə göz yumduğu üçün İŞİD-ə şərait yaratmış hesab olunur".

Axar.az xəbər verir ki, bu sözləri "Azadlıq" radiosunun canlı efirində "İşdən sonra" verilişində iştirak edən tarixçi alim və təhlilçi Altay Göyüşov deyib.

O, bildirib ki, Ərdoğan hökuməti Əsəd rejiminə qarşı güclü rəqibin mövcudluğunda maraqlı olub:

"Ərdoğan hökuməti Suriyada Bəşər Əsəd rejiminə qarşı müxalifətdə olan silahlı qrupların güclənməsini istəyirdi. Birbaşa kömək etməsə də, onun güclənməsinə göz yummaqla İŞİD-in inkişafına şərait yaradıb".