Ana səhifə Gündəm |
Sabah əsən şimal küləyi güclənəcək.
Bu barədə Axar.az-a Ekologiya və Təbii Sərvətlər Nazirliyinin Milli Hidrometeorologiya Departamentindən məlumat veriblər.
Belə ki, Bakıda və Abşeron yarımadasında oktyabrın 5-də hava
şəraitinin dəyişkən buludlu olacağı, arabir tutulacağı, əsasən gecə
və səhər saatlarında bəzi yerlərdə yağış yağacağı, günün ikinci
yarısında tədricən kəsiləcəyi gözlənilir. Mülayim şimal küləyi
arabir güclənəcək. Havanın temperaturunun gecə 12-15, gündüz 17-22
dərəcə isti olacağı gözlənilir.
Bölgələrin hava durumuna gəlincə isə, sabah bəzi yerlərdə arabir yağış yağacağı ehtimal olunur. Qərb küləyi əsəcək, ayrı-ayrı yerlərdə arabir güclənəcək. Havanın temperaturunun gecə 10-15, gündüz 17-22, dağlarda gecə 1-6, gündüz 6-10 dərəcə isti olacağı gözlənilir.
Tarix
2014.10.04 / 15:43
|
Müəllif
Nigar İxtiyarqızı
|