Ana səhifə Gündəm |
Rusiya Ermənistanı Gürcüstanın tranzit asılılığından azad etmək istəyir.
Axar.az Reqnum-a istinadən xəbər verir ki, bu barədə Rusiya Gömrük Xidmətinin səlahiyyətli nümayəndəsi Andrey Belyaninov bildirib. Onun sözlərinə görə, Rusiya Federal Gömrük Xidməti Avrasiya İqtisadi Birliyinin üzvləri ilə bilavasitə sərhədi olmadığı üçün Ermənistanla əməkdaşlıqda çətinliklərin öhdəsindən gəlməyin yollarını axtarır.
Belyaninov sonuncu dəfə Antaliyada bu istiqamətdə Türkiyə tərəfi ilə görüşlər keçirdiklərini, türk mallarının loqistik marşrutlarını müzakirə etdiklərini qeyd edib. Müzakirələr zamanı Ermənistanın da tranzit məsələsindən danışılıb. Ermənistandan Gürcüstana gedən istiqamətdə tez-tez qar uçqunlarının olması yolların bağlanmasına səbəb olur ki, bu da yük daşınmalarında böyük çətinliklər törədir.
Belyaninov Ermənistana tranzit yollarının axtarışı üçün Türkiyə, Azərbaycan və gürcü həmkarlarla tranzit məsələlərini gündəmə gətirdiklərini bildirib.
Tarix
2014.10.29 / 09:00
|
Müəllif
Pərviz Həsənov
|