Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
19 Fevral 2020


Aİ Bakıdan İrəvana mesaj yolladı - Kuznetsov

Ana səhifə Gündəm
12 Punto 14 Punto 16 Punto 18 Punto

Tuskun indi iki yolu var: ya hazırda əldə etdikləri ilə kifayətlənib sonuncu “qastrolundan” zövq almaq, ya da nəsə səs-küylü, Avropanın uzun müddət xatırlayacağı bir addım ataraq qapını çırpıb getmək.

Bu sözləri Axar.az-a rusiyalı tarixçi və ekspert Oleq Kuznetsov Avropa İttifaqı Şurasının Prezidenti Tuskun Qafqaz səfərini şərh edərkən deyib.

“Donald Tusk dünənin neo-mühafizəkar siyasətçisidir. Artıq ikinci dəfədir ki, Avropa İttifaqı Şurasının rəhbəri vəzifəsini icra edir, odur ki, bu karyerasını tezliklə sonlandırmalı olacaq”, - Kuznetsov deyib.

Onun sözlərinə görə, nəticə olaraq, bu siyasətçinin sözlərini və əməllərini tezliklə öz postunu tərk etməyə hazırlaşan bir siyasətçinin reaksiyası kimi qiymətləndirmək lazımdır - sakit və təvazökar və ya uca səslə və iddialı:

“Əgər onun Azərbaycanın ərazi bütövlüyü haqda səsləndirdiyi fikirlər olmasaydı, Tuskun Bakıya gəlişini qısa və adi bir səfər kimi qiymətləndirmək olardı. Bu çıxışıyla o, Avropa Birliyinin Dağlıq Qarabağ münaqişəsinin nizamlanması üzrə ənənəvi mövqeyini ifadə etdi”.

Kuznetsov qeyd edib ki, rəsmi Bakı da artıq onu potensial əməkdaş kimi deyil, vəzifədə sayılı günləri qalan bir siyasətçi kimi qəbul edir:

“Amma bunu unutmaq lazım deyil ki, Tuskun bəyanatı Avropa İttifaqının Azərbaycanın ərazi bütövlüyü haqda dəyişməz mövqeyini ifadə edir və bu addım Avropadan Azərbaycana edilən mühüm siyasi jest kimi qiymətləndirilməlidir. Çünki bu jestlə Avropa İttifaqı həm də rəsmi İrəvana öz mövqeyinin dəyişmədiyi ilə bağlı siqnal göndərdi”.

Politoloqun sözlərinə görə, Tuskun yerinə yeni rəhbər gəlməyincə, Avropa İttifaqından inisiativ gözləmək düzgün olmazdı:

“Təəssüf ki, Brüsseldə baş verəcək bu proses zaman alacaq və bu zaman Ermənistanın xeyrinə işləyəcək. Çünki bu zaman aralığında Aİ İrəvana siyasi və diplomatik təzyiqlər göstərməyəcək. Buna görə də Dağlıq Qarabağ konflikti hələ ki, öz tərəfləri arasında qalır: Azərbaycan siyasi dəstək ilə, Ermənistan tərəfi isə zaman qazanmaqla”.

Tarix
2019.07.13 / 09:00
Müəllif
Rəfiqə Əlisəfa
Şərhlər
Digər xəbərlər

İnfeksionistdən koronavirusla bağlı - Xəbərdarlıq

Əliyev rəqibini siyasi nokauta göndərdi - Tacikistan portalı

13 erməni əsgər öldü; ABŞ-la İrəvanın şok yazışması... - Video

Erməni ordusunda müəmmalı ölümlərin səbəbi – Polkovnik

Qafqaz Bürosu ermənilərə bu ərazilərimizi peşkəş etdi

Azərbaycana idxal edilən spirtli içkilərlə bağlı qərar

Münhen debatı İrəvanın acizliyini göstərdi

Brüsseldə azərbaycanlı qaçqınlardan danışıldı - Foto

Azərbaycan SSRİ-dən necə çıxdı? – Nikolun axmaq sualı...

Gömrükdə əməliyyat müşavirəsi: Sədrdən tapşırıq…

KULT
<>
Xəbər xətti
 
yatsan
Axar.az'da reklam Bağla
Reklam
Bize yazin Bağla