Ana səhifə Gündəm |
Bu vaxta qədər ABŞ səfirlərinin hamısı enerji ilə bağlı adamlar olub.
Bu sözləri Axar.az-a açıqlamasında politoloq Ərəstun Oruclu yeni ABŞ səfiri və bölgədə energi layihələri ilə bağlı danışarkən deyib.
O, bölgə enerji layihələrinin gerçəkləşməsində təkcə Azərbaycanla ABŞ münasibətlərinin həlledici olmadığını bildirib:
"İndiyə qədər ABŞ səfirlərinin hamısının enerji ilə bağlı adamlar olmasında qeyri-adi bir şey yoxdur. ABŞ Azərbaycanla münasibətlərdə hər zaman enerji əməkdaşlığını prioritet məsələ kimi götürüb. TAP və TANAP, Transxəzər layihələrinə gəlincə isə burada təkcə ABŞ-ın istəyi və ya ABŞ-Azərbaycan münasibətləri keçərli deyil. Burada maraqlar çox müxtəlifdir. Türkiyənin mövqeyindən çox şey asılıdır. Həmçinin, Gürcüstanla problemlər olmamalıdır. Üstəlik, Rusiyanın da mövqeyi burada aydın deyil. Ümumiyyətlə, Rusiya-Qərb münasibətləri bunun üçün aydınlaşmalıdır. Bilirsiniz ki, son günlər İran tərəfindən də müəyyən istəklər irəli sürülməyə başlayıb. Azərbaycan-Türkiyə-Türkmənistan münasibətləri də burada önəmlidir. Bütün bunlar həmin layihələrin reallaşmasına təsir edən mühüm amillərdir. Ona görə də təkcə Azərbaycan-ABŞ münasibətləri bu işlərdə həlledici rol oynamır".
Tarix
2015.02.04 / 08:48
|
Müəllif
İlkin Həsənov
|