18:41

Prezident İlham Əliyev Azərbaycan Respublikası vətəndaşlarının 2015-ci il aprelin 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında sərəncam imzalayıb.

Axar.az prezidentin rəsmi saytına istinadən xəbər verir ki, sərəncama əsasən, 1997-ci ildə doğulmuş və çağırış gününədək (həmin gün də daxil olmaqla) 18 yaşı tamam olmuş, habelə 1980-1996-cı illərdə doğulmuş, yaşı 35-dək olan, Azərbaycan Respublikasının Silahlı Qüvvələrində və Azərbaycan Respublikasının qanunvericiliyinə uyğun olaraq yaradılmış başqa silahlı birləşmələrdə müddətli həqiqi hərbi xidmət keçməmiş, müddətli həqiqi hərbi xidmətə çağırışdan möhlət hüququ olmayan və ya müddətli həqiqi hərbi xidmətə çağırışdan azad edilməmiş Azərbaycan Respublikasının vətəndaşları 2015-ci il aprelin 1-dən 30-dək müddətli həqiqi hərbi xidmətə çağırılırlar.

"Hərbi vəzifə və hərbi xidmət haqqında" Azərbaycan Respublikası Qanununun 38.1.1-ci maddəsində nəzərdə tutulmuş xidmət müddətini keçmiş müddətli həqiqi hərbi xidmət hərbi qulluqçuları 2015-ci il aprelin 1-dən 30-dək ehtiyata buraxılır.

19:15

Prezident İlham Əliyev Azərbaycan Respublikasında gənclərlə iş və idman sahəsində çalışan əməkdaşların təltif edilməsi haqqında sərəncam imzalayıb.

Sərəncamda qeyd edilir: "Azərbaycanda gənclərlə iş sahəsində səmərəli fəaliyyətlərinə, bədən tərbiyəsi və idmanın inkişafında xidmətlərinə görə aşağıdakı şəxslər təltif edilsinlər:

3-cü dərəcəli "Vətənə xidmətə görə" ordeni ilə

Babayev İntiqam Vaqif oğlu

Hacıyev Fuad Hacı oğlu

İsmayılov İsmayıl Sultan oğlu

Rəhimov Mirkamil Pirəli oğlu

"Tərəqqi" medalı

Əliyev Ərçə Fərrux oğlu

Quliyev Asif Yusif oğlu

"Dövlət qulluğunda fərqlənməyə görə" medalı ilə

Abbasov Raqif Arif oğlu

Abdullayev Elnur Şahin oğlu

Bayramov Cəmil Baxış oğlu

Əhmədov Vüqar Fərman oğlu

Əliyev Rauf Faiq oğlu

Həsənov Mayıl Həsən oğlu

Hüseynov Şahmar Yaqub oğlu

Kərimov Kənan Elman oğlu

Qiyasov Elçin Mirkamal oğlu

Qurbanzadə Fərid Vidadi oğlu

Mehdiyev Elmir Qardaşxan oğlu

Məmmədov Aydın Ağa-Əli oğlu

Məmmədov Zair Məmmədağa oğlu

Nəcəfov Elçin Emil oğlu

Nəcəfov İlqar Məhəmməd oğlu

Nəsibov Müzəffər Həmid oğlu

Novruzov Nəcəf Əhməd oğlu

Paçalov Rasim Əyyub oğlu

Rəhimov Ramin Urşan oğlu

Tağıyeva Gülgəz Əbülfəz qızı

Ziyadov Azəri Böyükkişi oğlu".

***

Prezident İlham Əliyev kənd təsərrüfatının inkişafına dövlət dəstəyinin gücləndirilməsi ilə bağlı əlavə tədbirlər haqqında sərəncam imzalayıb.

Sərəncamda qeyd edilir: "Azərbaycan Respublikası Kənd Təsərrüfatı Nazirliyinin tabeliyində Dövlət Toxum Fondu yaradılsın.

Azərbaycan Respublikası Kənd Təsərrüfatı Nazirliyinin tabeliyində Dövlət Toxum Fondunun fəaliyyətinin təmin edilməsi, habelə yüksək məhsuldar toxumların istehsalının və tədarükünün həyata keçirilməsi üçün Azərbaycan Respublikasının Kənd Təsərrüfatı Nazirliyinə "Azərbaycan Respublikasının 2015-ci il dövlət büdcəsi haqqında" Azərbaycan Respublikası Qanununun tətbiqi barədə" Azərbaycan Respublikası Prezidentinin 2014-cü il 22 dekabr tarixli 413 nömrəli Fərmanının 1.10.1.3-cü yarımbəndində "2008-2015-ci illərdə Azərbaycan Respublikasında əhalinin ərzaq məhsulları ilə etibarlı təminatına dair Dövlət Proqramı" xərcləri bölgüsündə 10,0 (on) milyon manat nəzərdə tutsun;

bu Sərəncamdan irəli gələn digər məsələləri həll etsin".