Sənə son 24 saat vaxt veririk! Əgər bu müddət ərzində çıxıb üzr istəməsən, həmin hadisəni ictimaiyyətə açıqlayacağam!

Kult.az xəbər verir ki, bu sözləri əməkdar artist Mehriban Xanlarova sosial şəbəkə hesabında yazıb.

O, Akademik Milli Dram Teatrının bədii rəhbəri Mehriban Ələkbərzadəyə xəbərdarlıq edib:

“Mehriban Ələkbərzadə, artıq bir aydır səni səssiz və təmkinlə gözləyirik ki, vicdanınla baş-başa qalacaq, cəsarətini toplayaraq şəhid qızı Məsmə Aslanqızından üzr İstəyəcəksən. Nə üçün üzr istəməli olduğunu sən çox yaxşı bilirsən. Bu susqunluq artıq qəbuledilməzdir! Sənə son 24 saat vaxt veririk! Əgər bu müddət ərzində çıxıb üzr istəməsən, həmin hadisəni ictimaiyyətə açıqlayacağam!”

Xatırladaq ki, bundan əvvəl Akademik Milli Dram Teatrının bədii rəhbəri Mehriban Ələkbərzadə Məsmə Aslanqızına 20 Yanvar şəhidlərinin dəbdə olmadığını deyib.

Məsmə Aslanqızı 20 Yanvar şəhidi Aslan Ağaverdiyevin qızıdır.