Ana səhifə Gündəm |
"Birinci olmaqdan qorxuram. Üçüncülük də bəsimdir"
Bu sözləri "Çanaqqala savaşı" mövzusunda keçirilən müsabiqədə 3-cü yeri tutan şair Akif Əhmədgil Axar.az-a açıqlamasında deyib:
"Həmişə birinci olmaqdan bir az qorxmuşam. Ona görə də elə bu işsiz vaxtımda 3-cülük də bəsimdir. Üstəlik, keçən ay Tərcümə Mərkəzinin keçirdiyi müsabiqədəki uğursuzluqdan sonra bu, deyəsən, yerinə düşdü. Yazıçılar Birliyinə və Türkiyə Səfirliyinə minnətdaram. Bu şeiri məhz bu müsabiqə üçün yazmışdım. Mən 20 ilə yaxındır Yasamal rayonunda Şuşa qaçqınlarının yaşadığı məhəllədə yaşayıram. Onlarla qonşu olduğum üçün sevinclərinə, kədərlərinə şərikəm. İnanın, onların Şuşaya qayıdacaqları günü necə səbirsizlikə və intizarla gözlədiklərinin az qala, hər gün şahidi oluram. Görünür, elə bu şeirimə də onların həsrəti və ümidi bir az işıq salıb. Maraqlı burasıdır ki, bu müsabiqədə qardaşım Namiq məqaləsinə görə 1-ci yerə layiq görülüb. Elə bu da bəsimdir".
Xatırladaq ki, Çanaqqala savaşının 100 illiyi münasibətilə keçirilən müsabiqəni Türkiyənin Azərbaycandakı səfirliyinin mədəniyyət müşavirliyi və Azərbaycan Yazıçılar Birliyi birgə təşkil edib.
Tarix
2015.04.26 / 09:00
|
Müəllif
Nigar An
|