Rusiya, Azərbaycan və Ermənistan liderlərinin 11 yanvar tarixli Bəyanatının mahiyyəti Ermənistanı yeni sərhədləri tanımağa məcbur etməkdir. Qarabağdakı döyüşlər bitdikdən dərhal sonra sərhəddə bir qrup rus və azərbaycanlı əsgər işləyirdi, ermənilərə isə icazə verilmədi. Bu, Ermənistanla Azərbaycan arasındakı sərhəd konturunun, görünür, Paşinyanın imzalamalı olduğu protokol, xəritə və Qarabağın Azərbaycan olması faktı ilə aydınlaşdırılması idi.

Bunu Axar.az-a açıqlamasında rusiyalı ictimai xadim, tarixçi Dmitri Verxoturov bildirib.

Tarixçi məcburetmənin çox yumşaq olduğunu qeyd edib:

“Ermənistan üzərindən tranzit nəqliyyat əlaqəsi güclü bir arqumentdir. Bu, potensial olaraq Rusiyanın cənubundan Ural və Qərbi Qazaxıstandan Türkiyəyə və əksinə avtomobil, dəmiryolu tranzitidir. Bura həm türk mallarının daşınması, həm Türkiyəyə ixrac, həm də dəniz limanlarına qədər daha rahat tranzit daxildir. Yəqin ki, bu yol da Suriya ilə ticarət üçün hazırlanıb.

Bu, yüz milyonlarla dollar tranzit yüküdür ki, ermənilər onların daşınmasından pay alacaqlar. Çünki Ermənistan başqa heç cür bu qədər qazanmayacaq”.

Mütəxəssis əlavə edib ki, Paşinyan təcrübəli bir populist olaraq dərhal işin perspektivlərini başa düşdü:

“Onu (Paşinyanı —red.) lənətləyəcəklər, amma dollarlardan da üz döndərə bilməyəcəklər. Bu onun üçün praktiki olaraq qələbə qazanma variantıdır. Ehtimal var ki, ilin sonuna qədər yüklərin ilk sınaq partiyaları həyata keçiriləcək”.