Ermənilər işğal etdikləri Zəngilan və Cəbrayıl rayonlarının Araz qırağı ərazilərinin meşə zolağını yandırırlar.

Axar.az xəbər verir ki, bu barədə məlumat sosial şəbəkədə yayılıb.

Məlumatda Havalı, Xudafərin, Xələfli, Qumlaq kəndlərinin yandırıldığı bildirilir.

Qeyd edək ki, fotoların Arazın o tayında yaşayan Azərbaycan türkləri tərəfindən çəkildiyini bildiriblər.

Xatırladaq ki, ermənilər artıq bir neçə gündür işğal altında olan torpaqlarımızda yanğınlar törədirlər. Cəbhə xəttinə yaxın törədilən bu yanğınların Azərbaycanın nəzarətində olan ərazilərimizə keçməsi nəticəsində on hektarlarla taxıl və arpa zəmisi (biçilməmiş) yanıb.