Prezident İlham Əliyev başda olmaqla bütün azərbaycanlı qardaşlarımıza minnətdarıq. Onların duası yanımızdadır. Hər cür dəstəyi bizə göstərirlər. Bu gün 103 azərbaycanlı ilə birlikdə yanğın sahələrində olmuşuq. Xüsusən Adana, Mərsin, Antalya, Muğla ərazilərində yanğınla mübarizə etməyə davam edirik.

Axar.az xəbər verir ki, bu sözləri Türkiyənin kənd təsərrüfatı və meşəçilik nazirinin müavini Fateh Mətin AzTV-yə müsahibədə deyib.

Nazir müavini meşə yanğınları ilə mübarizə istiqamətində görülən işlərdən danışıb:

“Marmarislə bərabər Bodrum, Milas, Köyceyiz, Seydikəmər kimi ərazilərdə meşə yanğınlarının bir qismi söndülürsə də, bir qismi hələ də davam edir. Marmarisdə bu gün xüsusən 8 istiqamətdə mübarizəmiz davam etməkdədir. Bu fəlakəti də Azərbaycan xalqı ilə birlikdə bitirəcək, yenə bir-birimizə arxa olmağa davam edəcəyik”.