Axar.az
Yuxarı

İrəvandakı ABŞ səfiri ölkəsinin mövqeyinə hörmət etmir

Ana səhifə Gündəm
12 Punto 14 Punto 16 Punto 18 Punto

İrəvandakı ABŞ səfirinin Zəngəzura səfəri zamanı Qarabağın statusu haqqında açıqlama verməsi təkcə beynəxalq hüquq baxımından yox, o cümlədən Amerikanın daxili siyasəti nöqteyi-nəzərindən qanunaziddir.

Bunu Axar.az-a açıqlamasında siyasi ekspert Elşən Məcidov deyib. O, bununla səfir Linn Treysinin öz ölkəsinin qanunlarını şübhə altına aldığını qeyd edib:

“Hər hansı bir subyektin statusunun olması üçün onun müəyyən coğrafi sərhədləri olmalıdır. 44 günlük müharibə zamanı isə Azərbaycan nəinki ətraf yeddi rayonu azad edə bildi, həmçinin Qarabağın dağlıq hissəsində yerləşən Şuşa və Hadrut üzərinə də nəzarəti bərpa etdi”.

Ekspert bunun ABŞ-ın müttəfiqlərinin, NATO-nun, Avropa Birliyinin rəsmi mövqeyinə qarşı bir hörmətsizlik olduğunu vurğuladı:

“Ordumuzun azad etdiyi Şuşaya təşkil edilən səfərlərdə Xorvatiya, Bolqarıstan, İtaliya, Latviya, Macarıstan, Niderland, Polşa, Yunanıstan, Belçika, Estoniya, Litva kimi eyni anda həm NATO, həm də AB ölkələri, NATO üzvü olmayan, amma Avropa İttifaqı üzvü olan Avstriya və İsveç, o cümlədən NATO üzvü olan, AB üzvü olmayan Türkiyənin diplomat və jurnalistləri olub. Diplomatların bu səfərləri azad edilmiş ərazilərin Azərbaycana məxsus olmasının tanınması və Dağlıq Qarabağ münaqişəsinin artıq geridə qaldığının göstəricisidir. ABŞ səfirinin mövcud olmayan ərazi vahidinin statusu haqqında danışması onun NATO və AB-yə, beynəlxalq hüquqa hörmətsizlik nümayiş etdirməsi deməkdir”.

E.Məcidov ABŞ-ın 907-ci düzəlişi donduraraq, Azərbaycanla münasibətləri inkişaf etdirmək üçün addımlar atdığı bir vaxtda Lin Treysinin məsuliyyətsiz açıqlamalarının başadüşülən olmadığını vurğulayıb:

“Lin Treysi Dövlət Departamentinin bəyanatlarına istinad etsə də, Azadlığın müdafiə aktına 907-ci düzəlişin ABŞ-Azərbaycan münasibətlərinin əsas çərçivələrindən biri olduğunu unutmaq olmaz. Bu düzəliş Co Bayden tərəfindən bu ilin 23 aprelində, yəni ermənilərin qondarma soyqırımı günündən bir gün qabaq yenidən dondurulub. Başqa sözlə desək, ABŞ prezidenti iki ölkə arasında münasibətlərin inkişaf etməsinə mane olan əsas əngəli aradan qaldırmağa çalışsa da, Ermənistandakı səfirin bu münasibətlərin zəifləməsinə və pozulmasına səbəb olacaq addımlar atması heç bir məntiqə sığmır”.

Tarix
2021.08.24 / 08:00
Müəllif
Söhrab İsmayıl
Şərhlər
Digər xəbərlər

Savaşın 29-cu günü: Qubadlı zəfəri

Ermənilər bu “silahla” Berlini Bakıya qarşı qoydular

Azərbaycan Vatikanda səfirlik açır

Prezident Şükür Həmidovun qəhrəmanlığından danışdı

Şəhidləri təhqir etməyin! - Seyid çağırış etdi

Ermənilərdən Bakıya “təklif” – Rədd ediləcək

Moskva görüşü: Bakı və Ankara artıq hazırlıq işi görür

Ankaradan Füzuli aeroportuna ilk təyyarə gəldi

Akopcanyan: Əliyev bu görüşdə Paşinyanı “sındıracaq” - Video

Müharibə ehtimalı? Kiminlə aparacağıq? - Ekspert

KULT
<>
Xəbər xətti
yatsan
Axar.az'da reklam Bağla
Reklam
Bize yazin Bağla