Erməni mediası yerli sakinlərə istinadla Gorus-Qafan yolunun Çakaten kəndi istiqamətində Azərbaycan Ordusunun qüvvə yerləşdirdiyi haqda məlumat yayıb.

Axar.az xəbər verir ki, Nerkin Xand kəndinin icma rəhbəri Azərbaycan əsgərlərinin Çakatenin 3-4 km hissəsində yolu genişləndirdiyi və “hansısa işlərlə” məşğul olduğunu bildirib.

O iddia edib ki, Azərbaycan bu yolu bağlayacağı təqdirdə kəndlərin Qafanla əlaqəsi Mehridən olacaq, bu isə məsafənin 100 km-ya yaxın uzanması deməkdir. Hazırda yolla hərəkətdə heç bir problem olmadığı da əlavə edilib.

Qeyd edək ki, Şuşa yaxınlığındakı Azərbaycan və rus əsgərlərinin olduğu posta erməni terrorçunun qumbara atmasından sonra Azərbaycan Ordusunun sərhəd də daxil olmaqla, əraziyə qüvvələr cəlb etdiyi haqda erməni mənbələri məlumatlar yayırlar.