PKK ilə Türkiyə arasında atəşkəsi razılaşmasını PKK pozmayıb.

Axar.az xəbər verir ki, bunu Kürd Topluluklar Birliyinin nümayəndəsi Zubeyr Aydar söyləyib.

Onun sözlərinə görə, bu savaşdan yalnızca Türkiyə hökuməti fayda götürür:

"Onlar İŞİD-lə savaşdıqlarını söyləyirlər. Lakin bu sadəcə sözdədir. Onlar İŞİD-lə dostluq qururlar. Hər kəs bilir ki, İŞİD-lə mübarizə aparan yeganə güc YPG-dir. İndi onları Türkiyə bombalayır. Bu İŞİD-ə böyük dəstək deməkdir. Biz ABŞ Konqresindən kürd məsələsində yardım istəyirik. Bu qarşıdurmaya ehtiyac yoxdur. Ərdoğan erkən seçim öncəsi üçün bu savaşı yaradır. Bizi Türkiyə ilə bir masada yan-yana gətirməlisiniz".

Qeyd edək ki, PKK KCK-nın tərkibinə daxildir. Bu təşkilat bir növ PKK-nın hamisi hesab edilir. Təşkilatın fəxri rəhbəri Abdullah Öcalan hesab edilir.