Ali Baş Komandanın rəhbərliyi ilə Ukrayna hərbi təşəbbüsü ələ almaq prosesinə başlamağa nail olub.

Axar.az xəbər verir ki, bu barədə Ukrayna Milli Təhlükəsizlik və Müdafiə Şurasının katibi Aleksey Danilov Feysbuk səhifəsində yazıb.

“Qəhrəmanca mübarizənin beşinci günü. Ordumuz, bütün təhlükəsizlik və müdafiə sektorumuz tam səfərbərlik rejimində işləyir. Ukraynanın Ali Baş Komandanı, Prezidenti Vladimir Zelenskinin rəhbərlik etdiyi Ukrayna hərbi rəhbərliyi təcavüzün qarşısını almaq prosesinə başlamağa müvəffəq olub. Putinin işğal planı - Ukraynanın paytaxtı Kiyev şəhərinin ələ keçirilməsi və Rusiyanın oyuncaq hökumətinin yaradılması idi. Bu günə qədər planının məqsədlərindən heç birinə nail olunmayıb. Bütün istiqamətlərdə cavab verilib”, – Danilov yazıb.