Ana səhifə Gündəm |
Məncə, ad-soyad eyniliyi mane olmayacaq. Binəqədi seçiciləri məni kifayət qədər tanıyır.
Bu sözləri Axar.az-a 8 saylı Binəqədi 1-ci Seçki Dairəsindən YAP-ın deputatlığa namizədi Aysel Əlizadə deyib.
Hakim partiyanın namizədi "125-lər" Siyasi Blokundan yazar Aysel Əlizadə ilə eyni dairədən namizəd olmasında problem görmür:
"Ümid edirəm ki, seçicilərim mənə etimad göstərəcək. Mən seçkilərdə iştirak edəcək bütün namizədlərə uğurlar arzu edirəm".
A.Əlizadə rəqibini tanıdığını bildirib: "Aysel Əlizadəni tanıyıram. O da bizim mikrorayon sakinidir".
Onun sözlərinə görə, ixtisasca filoloqdur, Binəqədi rayonu 135 saylı tam orta məktəbdə və Uşaq Birliyi Təşkilatının sədri vəzifəsində çalışır.
YAP-çı namizəd hesab edir ki, seçkiyə hazırlıq qanunvericiliyin tələblərinə uyğun olaraq uğurla aparılır:
"Hazırkı mərhələdə YAP namizədlərinin qeydiyyata alınması məqsədilə onların müvafiq sənədləri səlahiyyətli nümayəndələri vasitəsilə aidiyyəti dairə seçki komissiyalarına təqdim olunur.
Namizədliyimiz qeydə alındıqdan sonra da seçkiyə hazırlıq prosesini uğurla davam etdirəcəyik".
Tarix
2015.09.22 / 15:57
|
Müəllif
Nigar İxtiyarqızı
|