09:45

"Aztelekom" MMC-nin baş direktoru Məhəmməd Məmmədov saxlanılıb.

Etibarlı mənbələrdən Trend-ə verilən məlumata görə, M.Məmmədov da Milli Təhlükəsizlik Nazirliyi ətrafında aparılan istintaq işi ilə əlaqədar saxlanılıb.

Mənbənin verdiyi məlumata görə, onunla bərabər daha bir neçə vəzifəli şəxs saxlanılıb.

Saxlanılanlar arasında Aztelekom" MMC-nin baş mühasibi Oqtay Rüstəmov da var.

***

"Aztelekom" rəhbəri Məhəmməd Məmmədov saxlanılması ilə bağlı yazılanlara münasibət bildirib. Qurum rəhbəri Baku.vs-ə verdiyi açıqlamasında haqqında yazılanların həqiqətə uyğun olmadığını deyib.

"Mən hazırda iş başındayam. Barəmdə yazılanlar həqiqəti əks etdirmir", - Məhəmməd Məmmədov bildirib.

***

APA-nın əldə etdiyi məlumata görə, M. Məmmədov barəsində dünən axşam saatlarında Səbayel rayon Məhkəməsinin qərarı ilə 3 ay müddətinə həbs qətimkan tədbiri seçilib.

M. Məmmədov Cinayət Məcəlləsinin 179.3.2 (külli miqdarda mənimsəmə), 308.2 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə ittiham olunur.

Bundan başqa, "Bakı Telefon Rabitəsi" İstehsalat Birliyinin Nizami ATS-in rəisi Fətullah Seyidov və ATS-in mühasibi barədə də həbs qətimkan tədbiri seçilib.