Rusiyanın Birinci kanalında yayımlanan "Vaxtın strukturu" verilişində Misir və Parisdə həyata keçirilən terror aktları müzakirə olunub.

Axar.az xəbər verir ki, aparıcı Valeri Fadeyev örnək ola biləcək dünyəvi müsəlman dövlətinə Azəbaycanı misal göstərib.

Verilişdə efirə verilən süjetdə iki şəhər - Qərb və Şərq şəhərləri qarşı-qarşıya qoyulub. Birincidə namaz qılınan və çarşablı gəzənlərin çoxluğu ilə diqqət çəkən xristian Avropa şəhəri Paris, digərində isə müasir görünüşlü Bakı. Video sujetin nümayişi zamanı aparıcı Bakını tolerantlıq nümunəsi kimi təqdim edib.

"Bakı gözəl şəhərdir və burda olduqca gözəl qadınlar var. Bakı müsəlman ölkəsi olsa da, dünyəvi dövlətdir", - deyə aparıcı vurğulayıb.