10:38

Beyləqan rayon Yuxarı Kəbirli kəndində dəhşətli cinayət hadisəsi törədilib.

Axar.az xəbər verir ki, kənd sakini Zahid İsgəndərov 6 yaşlı oğlu Ümidin boğazını kəsərək qətlə yetirib.

1982-ci il təvəllüdlü ata oğlunu evdən bir qədər aralı, təsərrüfat sahəsinə aparıb və orada övladının başını kəsib. Z.İsgəndərov hadisəni törətdikdən sonra qaçıb.

Hazırda onun tutulması istiqamətində əməliyyat-axtarış tədbirləri davam etdirilir.

Xatırladaq ki, gənc ata hörgü-suvaq işləri ilə ailəsini dolandırmaqla məşğul olub.

Kənd sakinlərinin sözlərinə görə, hadisə baş verən gün həyat yoldaşı Beyləqanda atası evində olub. Onların ailəsində xırda münaqişələrin tez-tez baş verdiyi bildirilir.

Zahid İsgəndərovun iki oğlu var. Digər övladı isə dörd yaşındadır.

***

APA-nın yerli bürosunun xəbərinə görə, Beyləqan rayonunun Yuxarı Kəbirli kənd sakini Zahid İsgəndərov tutularaq rayon prokurorluğuna gətirilib.

Faktla bağlı Beyləqan Prokurorluğu Cinayət Məcəlləsinin 120.1-ci (qəsdən adam öldürmə) maddəsi ilə başlatdığı cinayət işinin istintaqını davam etdirir.