Türkiyə mətbuatı bu gün Silahlı Qüvvələrimizin Ermənistan silahlı qüvvələrinə məxsus canlı qüvvə və hərbi texnikanı məhv etməsinə geniş yer verib.

Axar.az xəbər verir ki, Türkiyənin "Taymtürk", "Haberler", "Hürriyyət" kimi xəbər portalları ermənilərin təxribat cəhdlərinin qarşısını almaq üçün Silahlı Qüvvələrimizin düşmənə layiqli cavab verdiyini bildirib.

Türk mediası "Azərbaycan erməni mövqelərini vurdu", "Azərbaycan-Ermənistan cəbhə xəttində atışma", "Ermənistana aid avtomobillər məhv edildi" kimi başlıqlarla xəbəri tirajlayıblar.

Qeyd edək ki, Silahlı Qüvvələrimizin bölmələri tərəfindən martın 26-da qoşunların təmas xəttində Ermənistan silahlı qüvvələrinə məxsus canlı qüvvə və hərbi texnika məhv edilib. Müdafiənin ön xəttində yerləşən bölmələrimizin açdığı sərrast atəşlə elə ilk mərmilərlə düşmənin hərbi nəqliyyat vasitələri və mövqeləri sıradan çıxarılıb.