21:18

Əgər ATƏT-in Minsk Qrupu Dağlıq Qarabağ münaqişəsinin həlli istiqamətində ədalətli və konkret nəticələr verə biləcək addımlar atsaydı, problemin həlli bu günədək uzanmazdı.

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan Azərbaycan-Ermənistan cəbhə xəttində yaşanan gərginliklə bağlı açıqlamasında deyib.

"İllərdir işğal altında olan Dağlıq Qarabağ münaqişəsi Minsk Qrupunun işinə ciddi yanaşmaması səbəbindən bizi bu durumla qarşı-qarşıya qoydu. Əgər ATƏT-in Minsk Qrupu Dağlıq Qarabağ münaqişəsinin həlli istiqamətində ədalətli və konkret nəticələr verə biləcək addımlar atsaydı, problemin həlli bu günədək uzanmazdı", - Ərdoğan qeyd edib.

22:00

Türkiyə Prezidenti Rəcəb Tayyib Ərdoğan Vaşinqtondakı təmasları çərçivəsində ANS telekanalına açıqlamasında Azərbaycan Prezidenti İlham Əliyevdən cəbhədəki durumla bağlı məlumat aldığını bildirib.

"Bir az öncə qardaşım İlham Əliyevlə görüşdüm. O da Azərbaycana qayıdır. Özündən məsələ ilə bağlı məlumatlar aldım və Silahlı Qüvvələrimizdən də son vəziyyəti öyrənmək istədim. 12 azərbaycanlı qardaşımız şəhid olub, ermənilərdən də 100-dən artıq öldürülənlər var. Hazırda qarşıdurmalar Azərbaycanda davam edir. Dualarımızı etdik. İnşallah, bu münaqişədə qardaşlarımız az itki ilə bu işi bacarar. Mən bütün azərbaycanlı qardaşlarıma Allahdan kömək diləyirəm. Üzülməyəcəyik, qəm-qüssə olmayacaq. İnanırıqsa, mütləq üstünük".