Ukraynanın "Podrobnosti" internet nəşri öz saytında "RBK-Ukrayna"nın materialları əsasında "Azərbaycan Qarabağda Ermənistanın bazasını məhv etdiyini bəyan edib" sərlövhəli informasiya yayıb.

Axar.az-ın məlumatına görə, yazıda Azərbaycan Müdafiə Nazirliyinin mətbuat xidmətinə istinadla bildirilir ki, Azərbaycan Ermənistanın Dağlıq Qarabağda ən iri hərbi bazasını məhv edib.

Hərbi baza Ağdərəyə gedən yolda yerləşir. Bundan əlavə, son iki gündə həlak olan Azərbaycan hərbçiləri, habelə düşmənin hərbi texnikasının və canlı qüvvəsinin məhv edilməsi haqqında məlumat verilir.

Ukrayna jurnalistləri öz oxucularına xatırladıblar ki, Azərbaycan Dağlıq Qarabağda atəşi dayandırmaq üçün şərtlərini açıqlayıb.