Axar.az
Yuxarı

Keçmiş prezidentlər İlham Əliyevə məktub göndərdi

Ana səhifə Gündəm
12 Punto 14 Punto 16 Punto 18 Punto

Ekvadorun Prezidenti (1997) Nizami Gəncəvi Beynəlxalq Mərkəzinin üzvü Rosalia Arteaqo Serrano Prezident İlham Əliyevə başsağlığı verib.

Axar.az xəbər verir ki, bu barədə Prezidentin rəsmi saytı məlumat yayıb.

"Hörmətli cənab Prezident,

Bu günlərdə Ermənistan-Azərbaycan, Dağlıq Qarabağ münaqişəsində gərginliyin artması nəticəsində həm mülki vətəndaşların, həm də hərbçilərin həlak olması ilə bağlı Nizami Gəncəvi Beynəlxalq Mərkəzi adından başsağlığımızı qəbul etməyinizi xahiş edirik.

Biz də beynəlxalq ictimaiyyətə qoşularaq 1994-cü ildə əldə edilmiş atəşkəsin bu yaxınlarda təhlükəli şəkildə pozulması ilə bağlı ciddi narahatlığımızı ifadə edirik. Qoşunların təmas xəttində gərginliyin artması bütün regionun sabitliyi üçün təhdiddir.

İndiki vəziyyətdə bütün mümkün diplomatik kanalları işə salaraq, o cümlədən ATƏT-in və Minsk qrupunun üzvlərinin səylərindən istifadə edərək münaqişənin ədalətli həllinə, Azərbaycanın ərazi bütövlüyünün bərpasına nail olmaq üçün bütün imkanlardan istifadə etmək vacibdir.

Dağlıq Qarabağ münaqişəsinin sülh yolu ilə birdəfəlik həlli üçün Azərbaycanın ərazi bütövlüyü bərpa olunmalıdır. Bunu beynəlxalq hüququn norma və prinsipləri tələb edir.

Cənab Prezident, bizim yüksək ehtiramımızı qəbul etməyinizi xahiş edirik", - başsağlığında qeyd edilir.

***

Xorvatiya Respublikasının Prezidenti (2010-2015), Nizami Gəncəvi Beynəlxalq Mərkəzinin üzvü İvo Yosipoviç Azərbaycan Respublikasının Prezidenti Zati-aliləri cənab İlham Əliyevə məktub göndərib.

"Hörmətli cənab Prezident.

Dağlıq Qarabağ münaqişəsində gərginliyin gözlənilmədən artması və uşaqlar da daxil olmaqla insan tələfatı ilə nəticələnən atəşkəsin pozulması xəbərini eşidəndə çox sarsıldım. Xahiş edirəm, başsağlığımı qəbul edin. Vəziyyətlə əlaqədar dərin narahatlığımı bildirirəm. İnanıram ki, Nizami Gəncəvi Beynəlxalq Mərkəzinin hər bir üzvü mənim hisslərimi bölüşür və münaqişənin tezliklə sülh yolu ilə həllini arzulayır.

Mən münaqişənin həllində müharibəni deyil, diplomatiyanı vasitə kimi görürəm. Atəşkəsin bərpası vacib olan ilk addımdır. İnanıram ki, Siz, cənab Prezident, vəziyyətdən yararlanaraq bu münaqişənin beynəlxalq hüquq, o cümlədən dövlətlərin ərazi bütövlüyü çərçivəsində son və davamlı həlli üçün danışıqlara başlayacaqsınız.

Cənab Prezident, dünyanın digər ölkələri kimi, Sizin ölkənizdə də sülh, ərazi bütövlüyü və vətəndaşların həyat təhlükəsizliyi olmalıdır.

Nizami Gəncəvi Beynəlxalq Mərkəzinin üzvləri lazım olarsa münaqişənin davamlı və sülh yolu ilə həlli üçün təcrübələrindən istifadə edərək istənilən səviyyədə dialoqa qatılıb dəstək vermək arzusundadırlar.

Cənab Prezident, Sizə dərin ehtiramımı və hörmətimi qəbul etməyinizi xahiş edirəm", - başsağlığı məktubunda qeyd edilir.

Tarix
2016.04.12 / 20:07
Müəllif
Axar.az
Şərhlər
Digər xəbərlər

Azərbaycan Ordusu iki keçmiş hərbçini geri qaytardı

Paşinyanın Ərdoğanla görüşmək arzusu: Ankaranın şərti var...

İran Azərbaycanla sərhəddəki təlimə SEPAH-ı cəlb etdi

Rus gəmilərin Bakıda "Mehtər" marşı ilə qarşılanması...

Türkiyənin Qafqazdakı rolu... – Amerikalı politoloq

Rusiya MN-in təxribatçı məlumatına MN-dən cavab

Rusiya MN-nin yeni təxribatı: Şuşaya atəş və iki yaralı...

Qarabağ müharibəsi dünyanın dəyişdiyini göstərdi - Sərkisyan

Fariz Babayev bu xəstəxanaya direktor təyin edildi

Qarabağ savaşından sonra iki qlobal güc var - Maqid

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla