Ermənistanın Baş naziri Nikol Paşinyan ölkəni qərbləşdirməkdənsə, vilayətləşdirmə prosesi həyata keçirir.

Axar.az Globalinfo.az-a istinadla xəbər verir ki, bunu Ermənistan parlamentinin keçmiş vitse-spikeri, politoloq Eduard Şarmazanov deyib.

O, İstanbuldakı erməni icmasının fəaliyyətinə diqqət çəkib və Ermənistanı da bənzər gələcəyin gözlədiyini bildirib:

“Paşinyan ölkəmizin subyektivliyini Türkiyəyə qurban verir. İstanbulda ermənilərin kilsələri və yepiskopları var. Orada xristian bayramları qeyd olunur. Bu ölkədə yerləşən erməni kilsələrində Türkiyə bayrağı və Mustafa Kamal Atatürkün fotoları asılıb. Ermənistan yavaş-yavaş İstanbuldakı erməni icmalarının “subyektinə” çevrilir”.