Mənim üçün demarkasiyanın başlanğıcı və sonu məqbuldur, problem prosesin özündədir ki, birdən dayanar.

Axar.az xəbər verir ki, bunu Ermənistan parlamentin Müdafiə və təhlükəsizlik daimi komitəsinin rəhbəri Andranik Köçəryan deyib.

“2024-cü ilin ən nəzərəçarpacaq nailiyyəti hansıdır? Bir-birimizə demək olar ki, atəş açmadıq! Bəs hər bir dinc gündən bir-birimizə qarşı dözümlülük baxımından düzgün istifadə etdikmi? Yox. Bugünkü tövsiyə birləşdirici olmalıdır, onun əsasları 90-cı illərdə qoyulub. Ordunun qələbələrini xalqımıza, çətinliklərə dözərək, orduya qələbə qazanmaq imkanı verən hər kəsə borcluyuq”, - o bildirib.

Köçəryan Azərbaycanın ordu quruculuğunda kiçik mobil qruplara diqqət ayırması ilə bağlı şərhə cavab olaraq, Ermənistanın da buna diqqət yetirdiyini deyib:

“Belə deyək: müasir ordu - sayından asılı olmayaraq, xüsusi təyinatlı məntiq çərçivəsində fəaliyyət göstərən ordudur. Yəni böyük problemləri həll etmək üçün kiçik strukturlar. Bu o deməkdir ki, müasir silahlara və onlardan istifadə etmək üçün yaxşı biliyə malik hərbi personala sahib olmaq lazımdır. Bu, bizim məqsədimizdir, addım-addım reallığa çevirməyə çalışdığımız siyasətimizdir. İndi çox çətin bir yoldan keçirik”.