Səbail rayonu, Teymur Elçin küçəsində su xətti diametri 114 millimetr, uzunluğu 370 metr olan polad borularla əvəzlənərək istismara verilib.

İri Şəhərlərin Birləşmiş Su Təchizatı Xidmətindən Axar.az-a verilən məlumata görə, ərazidə yerləşən binaların su şəbəkəsinə 70 metr uzunluğunda 18 birləşmə qoşulub.

Təhlükəsizlik və dayanıqlığın artırılması məqsədilə 2 yanğın hidrantının yeri dəyişdirilib, 3 siyirtmə, 2 havaburaxıcı qurğu quraşdırılıb. Bütün işlər müasir texniki norma və tələblərə uyğun icra olunub.

"Yenilənmiş infrastruktur su itkilərinin qarşısının alınmasına, şəbəkənin istismar dayanıqlığının artırılmasına, əhalinin gündəlik tələbatının etibarlı şəkildə ödənilməsinə imkan yaradır," - deyə qurumdan bildirilib.