Biz buraya qalib gəlmək üçün gəlmişik və sabah rəqiblə oyunumuz asan keçməyəcək.

Axar.az xəbər verir ki, bunu “Borussiya Dortmund”un baş məşqçisi Niko Kovaç UEFA Çempionlar Liqasının liqa mərhələsində Bakıda “Sabah”a qarşı keçirəcəkləri III tur oyunundan öncə təşkil olunan mətbuat konfransında deyib.

“Rəqibə hörmətlə yanaşırıq, lakin bizim də məqsədimiz aydındır – üç xal qazanmaq və qrupdakı mövqeyimizi daha da gücləndirməkdir. Komandamız son oyunlarda yaxşı dinamika nümayiş etdirir.

“Sabah” təhlükəli və intizamlı rəqibdir, xüsusilə əks-hücumlarda çox təhlükəlidir, lakin biz öz oyun planımıza sadiq qalaraq qələbə qazanmaq niyyətindəyik. Biz son oyunlarda buraxdığımız səhvlərdən nəticə çıxarmışıq. Sabah həm hücumda, həm də müdafiədə maksimum diqqətli olmalıyıq. Rəqib komandanın güclü tərəflərini təhlil etmişik və meydana yalnız qələbə üçün çıxacağıq”, - xorvatiyalı mütəxəssis bildirib.

Qeyd edək ki, oktyabrın 20-də Bakı Olimpiya Stadionunda keçiriləcək “Sabah” – “Borussiya Dortmund” oyunu saat 20:45-də start götürəcək. Matçın baş hakimi ispaniyalı Xavyer Alberola Roxas olacaq.