21:03

Sülh müqaviləsində Konstitusiya (Ermənistanın – red.) dəyişiklikləri və dəhlizlə bağlı məsələlərə toxunulmayıb.

Axar.az xəbər verir ki, bu sözləri Ermənistan Baş naziri Nikol Paşinyan bu gün parlamentdə jurnalistlərlə söhbətində deyib.

“Razılaşdırılmamış maddələrdən biri sərhəddə üçüncü ölkə qüvvələrinin yerləşdirilməsi, digəri isə beynəlxalq qurumlardakı hüquqi və digər diplomatik mübahisələrə aiddir. Sülh müqaviləsi Konstitusiya dəyişiklikləri və dəhlizlə bağlı məsələləri əhatə etmir”, - o bildirib.

Paşinyan qeyd edib ki, burada çoxsaylı qatlar və nüanslar var. Xüsusilə, tərəflər sərhəddə avropalı müşahidəçilərin qalması məsələsində razılığa gələ bilməyiblər.

Qeyd edək ki, Ermənistan birtərəfli qaydada AB-nin “müşahidə missiyası”nın mandatını 2027-ci ilin fevralına qədər uzadılıb.