Azərbaycan bizim qonşumuzdur, biz də bu regionun bir hissəsiyik, ona görə də bu qonşuluq çərçivəsində birgəyaşayış formulunu tapmalıyıq.

Axar.az Teleqraf-a istinadən xəbər verir ki, bunu Ermənistan parlamentinin Xarici Əlaqələr Komitəsinin sədri Sərkis Xandanyan deyib.

“Bu səbəbdən də sülh prosesinin alternativi yoxdur. Ermənistanın suverenliyi və ərazi bütövlüyünü qorumaq, qonşularımızla sülhü bərqərar etmək, Türkiyə ilə münasibətlərimizi normallaşdırmaq üçün bütün səylərimizi səfərbər etməliyik. Bu olanadək çalışmalıyıq”, - erməni deputat əlavə edib.

Xandanyan Ermənistan və Azərbaycan arasında davam edən sülh prosesi ilə bağlı müsbət atmosferin olduğunu bildirib.