Aprelin 21-də Vatikanda vəfat edən Roma Papası Fransiskin tabutu altına sərilən xalçanın Azərbaycan xalçası oldugu bildirilib.

Axar.az xəbər verir ki, bu barədə sosial şəbəkələrdə məlumat yayılıb.

İddia edilib ki, xalça Papaya 2016-cı ilin oktyabrında Bakıya səfəri zamanı hədiyyə edilib.

Qeyd edək ki, Roma Papası Fransisk Azərbaycana 2016-cı ilin oktyabrında səfər edib və 2 oktyabrda Prezident iqamətgahında keçirilən görüşdə ona Azərbaycan milli xalçası hədiyyə edilib. Sözügedən görüşdən yayılmış videodakı xalça ilə Roma Papası Fransiskin tabutu altına sərilən xalça isə tamamilə fərqli toxunuş və ornamentlərə malikdir.

Buna baxmayaraq, Roma Papası Fransiskin tabutunun altına sərilən xalça doğrudan da Azərbaycan – Təbriz xalçasıdır. Xalça naxışlarına görə “Heris” adlanır.

Heris – Təbriz yaxınlığında şəhərdir və bu xalça da bu şəhərin adı ilə bağlıdır.