Hindistan və Azərbaycan arasında aviareyslərin cədvəlində yaranan ləngimə və ya dəyişikliklərlə əlaqədar olaraq, Hindistanın Bakıdakı Səfirliyi Hindistandan Azərbaycana və əks istiqamətdə səfər edən hindistanlı sərnişinlərə operativ və düzgün məlumat vermək məqsədilə fəal şəkildə çalışır.

Axar.az xəbər verir ki, bu barədə Hindistanın Azərbaycandakı səfirliyi X platformasındakı paylaşımında bildirib.

Qeyd edilib ki, səfirlik mövcud vəziyyəti yaxından izləməyə davam edəcək və Hindistan vətəndaşlarına ehtiyac duyulan bütün hallarda lazımi dəstəyi göstərmək öhdəliyini davam etdirəcək.

Səfirlik telefon, e-poçt, sosial media və birbaşa müraciətlər vasitəsilə Hindistan vətəndaşlarına dəstək göstərir.